Interview with Raj Comics writer, artist Mr. Nitin Mishra by Nishant Parashar, published in Indian Comics Fandom (Volume 6).
Aapki Life mai Comics ne dustak kis
tarah di. Aapki zindgi mai comics se judi kuchh aisi baatein jo aap hamko
batana chahein.. Jaise Aapka bachpan, kis tarah yaad karte hain aap un dino ko
?
Ji mere jeevan me comics tabse hai
jabse maine hosh sambhaala, mere papa bhi comics ke bahut bade fan rahe hain,
us samay vo indrajaal comics laya karte the. Betaal, Mandrek, Flash Gordon aadi
sabse mera parichay tab hua jab main padhna bhi nahin jaanta tha bas unke
manmohak chehre meri aakhon se hote hue mere dil me hamesha ke liye bas gaye.
Unhi manmohak chehro ki wajah se aaj
kai chehro par muskan hai. Aapne jo pehli comics padhi ya bachpan ki aisi
comics jo abhi tak aapke dil mai ho, uske baare mai kuchh ? kyuki har kisi
comics fan ki zindgi mai kam se kam ek comics to aisi hoti hi hai jo sadaa ke
liye dil main bas jati hai.
Meri pehli comics (joki main chhota
hone ke kaaran padh nahin pata tha, sirf artwork dekhta tha aur papa uske
dialogue padh kar sunaate the) indrajaal me published betaal ki ek comics thi
‘Tempany ka nagaadavaadak’ jisme Phantom
pahli baar ek nagaadevaadak ke nagaade ki dhunon ke aage bebas ho jaata hai aur
mantrmughd hokar naachta hai, par apni haar se na darte hue vo dobara vaapas
laut.ta hai aur us nagaadevaadak ko maat deta hai. Yah kahaani mujhe jeevan me
har mod par prerit karti aayi hai hamesha naakamiyon ka saamna himmat se kar
unhe paraast karne ki seekh deti aayi hai. aaj bhi mere paas vo rare indrajaal
comics surakshit hai, jab bhi kisi pareshaani se hataash hota hoon, use zaroor
padhta hoon...himmat milti hai.
Ye comics har peedhi ke readers ko
bhi prerit karti hai, wo samay comics ka swarnim yug tha. har comics apne aap
mai kuchh na kuchh samete hue thi. Khair us samay aap kis sahar mai the, jis
sahar mai aapka bachpan beeta, aur aapne apni padhai kis tarah puri ki.
Ji us samay main apne hometown Varanasi
me tha, meri schooling Varanasi ke hi reputed convent school W.H. Smith
memorial me hui. English aur hindi dono hi literature me bachpan se dilchaspi
thi. Plays me bhi bachpan se hi participate karta tha. School ke baad maine
fine arts (illustration n vizualization) me graduation and post graduation
benaras hindu university se kiya.
BHU se MFA puri karne ke baad aapko
pehli JOB ki talash kaha jake samapt hui ?
Maine BFA final year ke baad MFA ka
entrance diya tha aur result aane ka wait kar rha tha, us dauraan maine apni
final year project ke kuch works orkut par upload kiye the jinhe mere online
friend ‘Rahul Shashank’ ne dekha aur mujhe RC me try karne ko kha, bas ji fir
kya main to bachpan se hi RC join karne ke sapne dekh raha tha aur mujhe zindgi
me pahla mauka mila bhi to apne us sapne ko saakaar karne ka...bhala mujhe aur
kya chaahiye tha.
Bachpan se comics ki jindgi jeene wale
fan ko agar comics company mai kaam karne ka mauka mil jata hai to us anubhooti
ko koi bhi shabdo mai bayaan nahi kar sakta.
Wo kaun sa saal/mahina tha jab aap pehli baar Raj Comics se jude, aur kya kya hua us pehle din, jab aap Sanjay ji se mile.
Wo kaun sa saal/mahina tha jab aap pehli baar Raj Comics se jude, aur kya kya hua us pehle din, jab aap Sanjay ji se mile.
May 2007 me main pahli baar RC
studio pahuncha, isse pahle aksar socha karta tha ki kaisa lagta hoga saare
diggaj creatives jahaan ek hi chhat ke neeche kaam karte honge. Subah ki gaadi
se 8 baje delhi pahuncha aur 9:30 par RC studio me haazir ho gya. Chaaron or
apne favourite superheroes ke posters dekh kar mann balliyon uchhlne lga
tha....jis samay main pahuncha tha us waqt studio me sirf ek hi Shakhseeyat
maujood thi 'The Baap' of all Superheroes.... 'The Sanjay Gupta' sach kahoon to
ye sirf Sanjay sir ki Azeem shakhsiyat unki personality aur unke saagar jitne
bade dil ka hi jaadu hai ki main aaj is industry se juda hua hoon.
Khair, Sanjay Sir ne dekhte hi bola,
'aa gaya bete...thoda thanda-vanda pee thoda fruit-shruit kha fir baat karte
hain'
Mujhe mere pahle Super hero
character Yoddha ke liye new look design karne ko kaha gya main aek separate bane
cabin me baith kar 2-3 ghante tak look finaL karta raha. Jab apni ore se best
look final kar ke main Snajay Sir ke cabin me pahuncha to dekhta hoon unke
saamne waali chair pe 'The master of Fantasy' Anupam Sinha Sir baithe
hain.....kasam se school me exams dete waqt kabhi utna nervous nahin hua tha
jitna us waqt tha. Anupam Sir aur Sanjay Sir ne mere design kiye characters ki
kamiyaan mujhe samjhaayin jo ki is field me mera pahla guru mantra tha....main
pichhle designs ko dustbin me daal kar fir se yoddha ka new look design karne
me jut gya.
he he Kafi rochak ghatnayein samne
aa rahi hain. Khairr aapne RC ke liye jo first comics draw ki uske bare mai
kuchh ankahe pehlu..
Maine RC ke liye sabse pahli comics
Yoddha series ki Aarambh draw ki thi, us samay main BHU se apna MFA complete
kar rha tha. Maine artwork shuru hi kiya tha ki mere father ki tabiyat achaanak
kaafi critical ho gayi, deadlines paas thi, final terms ke exams the aur papa
bhi hospital me the...kaafi mushkil din the wo.
Maine in sabke beech hi Aarambh ka artwork complete kiya, issue publish hua aur artwork ki koti-koti bhartsna hui, mujhe yaad hai RC forum par kuch fans ne to artist ko Ban karne ki bhi maang ki thi.
Maine in sabke beech hi Aarambh ka artwork complete kiya, issue publish hua aur artwork ki koti-koti bhartsna hui, mujhe yaad hai RC forum par kuch fans ne to artist ko Ban karne ki bhi maang ki thi.
Kalakaar chahe vo Actor ho, Singer
ho, Musician ho, Painter ho ya koi Sportsman hi kyon na ho...vo kin
paristhitiyon me perform kar rha hai yah duniya ke liye koi maayne nahin
rakhta, maayne rakhta hai to sirf uska performance.........
Apne pahle hi kaam me asafal hokar
manobal kahin na kahin zaroor toota tha par jo nahi toota tha vo tha mere
parivaar aur Sanjay Sir ka mujh par vishwaas.
Is tarah ki bhartsna ka karan kya
tha ye to mujhe nahi pata, na us bare mai kuchh keh sakta hu. lekin itna jarur
keh sakta hu ki pitaji ka swasthya sahi na hone ke bawjood aapne apna kaam
samay par pura kiya ye baat khud sarahniy hai.
Ji
Jaisa ki abhi tak pata hai aapne RC
mai apni shuruaat ek artist ke taur par ki, fir achanak se ek artist ka writer
ban jana, ye kis tarah sambhav hua ?
Kahaniyaan likhne aur unpar artwork karke
comics bnaane ka shauk bhi bachpan se hi tha. ek din Sanjay Sir ne mera aisa hi
ek artwork dekhkar poochha 'iski kahani kisne likhi hai' ? Maine kaha 'maine
likhi hai' unhone fauran kaha 'kuch hamaare liye bhi likho' bas ji maine
fatafat 3 kahaaniyaan suna di, is tarah shuru hui meri pahli teen scripts
'Gadadhaari Baankelal', 'Sone ki leedh' aur 'Doodh ghaas'.
Doodh Ghaas ne to mujhe
bahut hasaya tha, maine aur bhi bankelal ki kahaniya padhi thi Bedi ji ke jane
ke baad, unmai sabse jyada yahi pasand aayi thi mujhe.
hehehe dhanywaad Ji...
Bankelal ke baad aapne RC ke liye
sabse pehle kis superhero ke liye story likhi ?
Baankelal ke baad maine sabse pahli
script NNN ke liye likhi thi, 'Infected'
aur 'Mrityujeevi'
iske alaava doga ki pahli online
comics 8:36 likhi.
Yani ye kafi pehle hi likhi ja chuki
thi, iske likhne aur publish hone ke beech aapki likhi aur bhi comics dekhne
mili thi, jaise doga ki ‘MatrBhoomi’ aur ‘Ham Honge Kamyab’ aur bhi jinka mai
naam bhool raha hu.
Ji, Infected aur Mrityujeevi sabse
pahle likhi gayi thi. 8:36, Mtrabhoomi, HHK, I-spy, CC2C ye sab baad me likhi gayi thi.
Ji aur RajComics ke liye aapke
aagami project kya-kya hain sir ?
Mera abtak ka sabse bada
project...mera dream project jahan main poore RC universe ko aek saath la
sakoon...Sarvanayak........
ji bilkul. sarvnayak kafi charcha
mai hai shuru se hi, fans aapse bahut ummeed lagaye hain is project se. sarvnayak
ka vichar aapke man mai kaise aaya, kyuki indian comics industry ka apni tarah
ka ye pehla project hai, aur kya kya khaas baat hai ismai.
Main hamesha se hi multi-starrers ka
bahut bada fan raha hoon. Kohraam khareedne ke liye main release date ke 1
hafta pahle se hi din raat book stall par hi samay bitaya karta tha ki set aate
hi sabse pahli copy mujhe mile....
Main kaafi time se plan kar rha tha ki ek aisa multi-starrer likha jaaye joki in true sense entire RC universe ko ek universe ke roop me define kare.
Sarvanayak me koshish yahi hai ki puraatan kaal ke sanrakshakon aur new generation ke super heroes ke beech vo invisible link saamne aaye jo unhe aek-doosre se jodta hai...
Main kaafi time se plan kar rha tha ki ek aisa multi-starrer likha jaaye joki in true sense entire RC universe ko ek universe ke roop me define kare.
Sarvanayak me koshish yahi hai ki puraatan kaal ke sanrakshakon aur new generation ke super heroes ke beech vo invisible link saamne aaye jo unhe aek-doosre se jodta hai...
ji, promos dekhne ke baad lagta hai
'Past vs PresenT' hone wala hai, aur shayad 'vs Future' bhi ho sakta hai, kisi
bhi sambhavna se inkaar nahi kiya ja sakta.
Khair sarvnayak se aapka koi favorite dialogue, jo aap batana chahein.
Khair sarvnayak se aapka koi favorite dialogue, jo aap batana chahein.
Aap shayad padh chuke
honge....Sanjay Sir ne post kiya tha, “Yeh samajh lo Mr Dhruv ki sampoorn
samaychakr yugam ka personal computer hai, jis se yugam jab chahe tab kisi bhi
samay kaal ki file par permanent shift delete ka button daba sakta hai” !!'
JI haan ye sanjay sir post kar chuke
hai. Achha ye batayiye sir ki aapke indian comics se favorite
superhero/characters kon kon hain, aur favorite kyu hai ?
Mere sabse pasandeeda superhero
Bhokaal, Nagraj(aatankharta) aur Doga hain.....teeno hi bahut intense
characters hain... Bhokal har lihaaz se aek aadarsh character hai, Nagraj
ultimate superhero (in my opinion best super hero ever created) and doga is
‘Doga’ ...Doga ki taareef me shabd kam padenge. aaj hamari society ko vaakai ek
Doga aur ek Aatankharta Nagraj ki hi zaroorat hai.
Superheroes to ho gaye, ab kuchh
creatives ke bare mai bhi batayiye, jinka naam aap sirf comics mai padhte aaye the
unke saath kaam karte hue kaisa laga aapko, ye to pakka hai ki achha hi laga
hoga, par kuchh khas pal jo aapke jehan mai samayein ho unke saath kaam karne
ke dauran
Sabhi creatives jitne shaandaar apne
kaam me hain utne hi zabardast actual me bhi hain. Sanjay Sir se mulakaat se
bhi pahle main Dilip chaubey Sir se mil chuka tha jab vo BHU aaye the uske baad
Delhi me bhi unse mulakaat hui bahut hi inspiring aur zinda dil insaan
hain....unka positive attitude aur hamesha pahle se behtar karne ki instinct
kaabil-e-taareef hai. Sanjay Sir creatives me hamesha mere aadarsh rahe hain aur hamesha
rahenge.....main jo kuch bhi hoon bas unhi ki seekh ke kaaran hoon, aaj bhi
unse seekh rha hoon. Aisa koi sawaal nahin jiska Sanjay Sir ke paas jawaab
nahin. Sanjay Sir ke saath Sundays ko poore din bhar ke brain storming sessions hote
the...sirf main aur Sanjay Sir. Nagraj ki world War series, 10 deadliest, Don
ye sab unhi brain storming sessions ka nateeja hain...
he he ummeed karte hai nikat
bhavisya mai aise brain storming sessions aur bhi hote rahenge, taki aur bhi
achhi achhi series milti rahein. ek baat aur mujhe lagta hai ki fans ko pata
chalna chahiye, wo ye ki last year aayi comics 'samudri lutere' ka 2nd part,
Belmunda ka Khazana ka jaldi na aane ka jo nanha munha kaaran hai, uske baare
mai kuchh bata dijiye.
hahaha......nanha munna bahut hi
zyada sharaarti hai.....1 minute bhi shaant nahi rahta, na hi kisi ko rehne
deta hai....Stuti ji poori koshish me hain ki chaaron Toads, Naagraaj, Dhruv
aur nanhe-munne sabhi ko equal time de saken.........
He he kaafi kuhh bataya aapne comics
aur apne bare main, ye bhi batayiye sir ki raj comics mai aisi kon si cheej hai
jise aap change karna chahte ho, par kar nahi pa rahe. kya hai koi aise cheej.
Raj comics apne aap me paripoorn
hai-sampoorn hai, samay ke saath chalti hai....main ise sdaa aise hi dekhna
chaahoonga.......
Chaturta se bhara hua jawab,, he
he,,
aakhir mai ham fans se kya kehna
chahenge sir. Koi sandesh, koi salaah.. Koi maargdarshan.
Fans se yahi kahna chaahoonga ki
jaise hamesha aap logon ne RC par apna pyaar aur vishwaas banaye rakha hai
vaise hi aage bhi banaye rakhiyega, aab sabhi RC ki shakti hain...hamesha
comics padhte rahiye aur piracy se door rahiye....
apne amoolya samay mai se kuchh
samay dene ke liye aapka koti koti dhanywaad sir.
