Indian Comics Fandom: Interview with Mohit Sharma (Trendster / Trendy Baba) [2009]

Dated: 14 July 2009, Originally Posted - Raj Comics Forums, RC Website Community Section & Orkut Communities.

Vishal Tripathi with Mohit Sharma (Trendster / Trendy Baba)

MY NAME IS VISHAL TRIPATHI aka PERMAN. :) MANE LIYA MOHIT SHARMA JI KA INTERVIEW AUR PAROSA AP LOGO KE SAMNE LIJYE TRENDSTER(aka baba ji)KA INTERVIEW!!!! HEHEHEHEHE

1) Perman - Aapka naam?
Trendster - Mohit Sharma.

2) Perman - Aapki age? kya hai?
Trendster - 20 Saal.

3) Perman - Aap kya kaam karte hai? Apne Lekhan k baare mey bhi batayen?
Trendster - Issi saal Graduation karne kay baad MBA Entrance Exams jaise CAT, MAT, XAT, FMS, etc ki prepration kar raha hun. Waise mai writer banna chahta hun. Kuch magazines, newspapers mey rachnayen, abhivyaktiyan publish huyi hai, School-College mey bhi plays, poetry likhi aur perform ki hai. Ab dekhte hai shayad aage kabhi financially free ho paaya to fulltime writing mey aa jaaunga.

4) Perman - Aapki family ke baare mein kuch jaankaari dijiye?
Trendster - Mere Father C.I.D. ki Crime Branch mey Inspector hai, meri mommy Homemaker hai, mujhse ek 8 saal bade bhaiya aur ek 7 saal badi didi hai....dono ki shaadi last year hui...bhaiya Bharti Airtel mey engineer aur zonal manager hai.

5) Perman - Kya aapki family ne kabhi comics padhne pe apatti ki?
Trendster - Karte rehte hai....ab tak kar rahe hai...par mai kabhi maana nahi....waise mai unke saamne comics padhta bhi nahi. Ek baar jab mai 8-9 Class mey tha to mujhe chidha kar meri comic padhvane ki aadat chhudvane kay liye ghar waalo nay mera naam hi Parmanu rakh diya aur mujhe Parmanu keh kar bulane lage..unhe laga ki mai iss naam se mai chidhne lagunga par ulta mai bahut khush ho gaya aur half rate par Parmanu ki hi 5-10 comics aur le aaya ...Ab to Bhaiya aur Didi bhi nahi hai to...comics bina disturbance kay aaram se padhne ka.

6) Perman - Kya family mein aur koi comics padhta hai?
Trendster - Nahi. Haan, achchhi magazines ya books padhte hai sab log.

7) Perman - Aapne comics padhna kabse shuru kiya tha?
Trendster - 7 Saal ki age mey.

Perman - Aur wo lucky pehli comic?
Trendster - Actually, mujhe uss waqt ek bhaiya se 2 comics 'Nagraj' aur 'Aag' mili thi. Maine naam se impress hokar Nagraj pehli padhi thi.

9) Perman - Aapko kaun se comic characters pasand hai?
Trendster - Mujhe Parmanu, T.H.S., Anthony, Nagraj, Dhruva aur Gamraj pasand hai...

10) Perman - Aapke favourite artist aur story writer?
Trendster - Mujhe Bharat Negi ji as a writer bahut pasand hai. Artist mey Anupam ji, Manu ji (Edison George), Lalit Singh, achchhe lagte hai.

11) Perman - Comics se realted koi interesting ghatna batayein?

Trendster - Jab mai chhota tha to badi mushkil se toffees, etc khaane kay baad kuch paise bachte to wo bhi aaye din khelte waqt ball kho jaati thi to usme bhi dosto kay saath paise milane padte thay. Ek din mere paas 9 Rupaye thay. Mere dost nay bataya ki Rui ki Mandi mey comics half rate ki milti hai. Maine socha ki 6 ya 8 Rupaye waali 1-2 comics to half rate mey mil hi jaayengi. Mai wahan gaya par utrane par tempo waale nay 6 rupaye le liye...par mai to comics kay sapno mey khoya tha....mai book stall gaya aur wahan bahut chhantne kay baad 6 Rupaye waali ek comic half rate mey le li...par ab mere paas paise khatm ho gaye thay...maine socha chal kar ghar pahunch jaaunga par ghar bahut door tha par ab chalne kay alawa koi chara nahi tha...ghar pahunchne mey bahut dair ho gayi aur mai bahut thak gaya....waise to mai khaana khate hi so jaata par maine khaana khaane kay baad Yoddha ki wo poori comic padhi aur ek Yoddha ki tarah bed par comic kay saath hi so gaya.

Perman-ahhaahahhahehehehheheh maza a gaya hehehehhehe :lol:

12) Perman - Aapka forum se parichay kaise aur kab hua?
Trendster - Pehle to kabhi kisi project banvane kay chakkar mai hi Cyber Cafe 3-4 mahino mey jaata tha par har baar RC ki website zaroor visit karta tha. Graduation first year mey aise hi net par messenger id, orkut par id banane ka mann karne laga to Cyber Cafe aaya aur RC ki site par bhi gaya...Homepage par kuch stories aur blogs padhe...to ek-do din aur visit kiya tabhi forum par bhi click kiya aur.....bas fir sab itna achchha laga ki regular ho gaya yahan.

13) Perman - Forum aur comics ke alawa aapke aur kya shauk hai?
Trendster - Sports, G.K....Current Affairs, Stories/Plays likhna, Poetry.

14) Perman - Aapki favourite comics kaun si hai?
Trendster - Waise to list bahut lambi hai par overall mujhe Kohram ek complete comic lagti hai.

15) Perman - Aapne apna username Trendster kyon rakha?
Trendster - Mai koi unique username soch raha tha jo sunne mey achchha bhi lage aur pehle kisi nay use bhi nahi kiya ho. Tab to aesa hi tha fir baad Jazzy B aur Rihanna nay iss word ko use kiya....ek samay RC par meri profile Google search mey "Trendster" word ki search mey top par thi....fir to kuch companies nay bhi ye naam use kiya par ab bhi Google search mey top individual Trendster to mai hi hun...Thank you....ahm!! :lol:

16) Perman - Log aapko kai baar trendy baba bulate hai,

iska secret kya hai? :?:

Trendster - Maine thodi masti kay liye "Forum Members in Real Harsh World" topic mey ye Trendy Baba naam kay character ko use kiya tha....Ye 2 links dekhiye. Maine inpar 4-5 Funny scenes likhe thay. Tabhi se baaki posters ko bina mehnat kay mera khud rakha-rakhaya naam mil gaya.

viewtopic.php?f=79&t=1708&st=0&sk=t&sd=a&start=150

viewtopic.php?f=79&t=1708&st=0&sk=t&sd=a&start=175

17) Perman - Forum ki kaun si baat aapko sabse zyada attract karti hai?
Trendster - Yahan comics par baat karne aur share karne ko itna kuch hai....yahan bahut se talented members bhi hai jinki stories, artworks, discussions, dekhna mujhe achchha lagta hai.

18) Perman - Forum ki koi buri baat?
Trendster - Firstly, Active Members ki sankhya abhi bhi bahut kum hai. Forum par ki gayi mehnat kay hisaab se kisi ko recognition nahi milta. Jaise yahan to aesa socha jaata hai ki "Maine kahin se sune-sunaye jokes ya kisi website se funny pics daal di to log bas usse hi dekhe aur uspar comment kare...baaki kisi kay mehnat se banaye artworks, stories, articles, etc jaaye bhaad mey...."

19) Perman - Agar aap forum mod ban jaayein

to kya badlaaw laana pasand karenge? :wink:

Trendster - Members badhane par aur zyada dhyaan dunga aur members ko zyada se zyada healthy discussions mey part lene kay liye encourage karunga. Achchhe topics ko inactive nahi rehne dunga. Waise 2 baar kuch dino kay liye guest mod reh chuka hun tab to kuch similar topics ko merge kiya tha bina zyada halla machaye....aur do-char jagah suggestions diye thay members ko. Issi mey time nikal gaya. Forum manage karna kaafi aasaan kaam hai.

20) Perman - Nayi released comics mein aapko kya pasand aur napasand hai? :roll:

Trendster - Mujhe NWS aur Doga ki ek kay baad ek aa rahi series baaki sab se comparatively achchhi lag rahi hai. THS bhi theek chal rahi hai. Par Amar Prem aur Bankey Lal.....nay to mujhe bahut niraash kiya....raddi pe raddi comic aa rahi hai unki.

21) Perman - Comics mein kya badlaaw dekhna chahenge? :!:

Trendster - RC ko eksaath limited creative team kay saath itney saare projects nahi karne chahiye. Doosri baat Readers ko chhote plots par based stories ko series mey padhna bilkul achchha nahi lagta isliye stories zabardasti naa kheenche. Baaki naye talents ko thoda aur badhava de....wo fans ko to ideas dene par badhava dete hai par jab koi iss line mey aana chahta hai to uske kaam kay prati unka nazariya badal jaata hai. Log aate hai chale jaate hai...RC ko kuch khud se aesa karna chahiye ki unki permanent creative team mey T.K. Wahi ji, Anupam ji, etc....kay alawa bhi log hon.... :wink:

22) Perman - Interview dene ka thanks....